Символларда Татарстан: Татарстан Республикасы Рәисе инаугурациясенә махсус күргәзмә
И.Иванов исемендәге Дәүләт Зур концерт залында Татарстан Республикасы Рәисе инаугурациясендә катнашучылар һәм кунаклар өчен «Символларда Татарстан: мирас һәм киләчәк» күргәзмәсен тәкъдим итәчәкләр, ул дәүләтчелекне торгызуның төп этапларын чагылдыра.
Күргәзмәне оештыручы-Татарстан Республикасы Дәүләт Советы тарихы музее һәм «Казан Кремле»музей-тыюлыгының Татар дәүләтчелеге тарихы музее катнашында Татарстан Республикасы Милли музее.
Күргәзмә экспонатлары Татарстан дәүләтчелеге үсешендә тарихи мирасның әһәмиятен чагылдыра.
Күргәзмәнең нигезен төбәк дәүләтчелеген торгызуның төп этапларына, Татарстан тарихындагы мөһим сәяси һәм мәдәни вакыйгаларга бәйле музей фондларыннан тарихи раритетлар тәшкил итәчәк. Экспонатлар арасында - уникаль предметлар, сирәк документлар, фотографияләр, картиналар, күренекле иҗтимагый һәм сәяси эшлеклеләрнең шәхси әйберләре. Барлыгы 100 экспонат.