Татарстанда бөек рус шагыйре һәм күренекле дәүләт эшлеклесе Гавриил Романович Державинның 282 еллыгын билгеләп үтәләр
Бүген Россиядә бөек рус шагыйре һәм күренекле дәүләт эшлеклесе Гавриил Романович Державинның 282 яшьлек юбилее билгеләп үтелә.
Татарстанда гадәттәгечә бәйрәм чаралары Казанның Лядской бакчасында башланды, анда шагыйрь һәйкәленә чәчәкләр салынды.
Тантанада ТР мәдәният министры Ирада Әюпова, ТР юстиция министры Рөстәм Заһидуллин, ТР Язучылар берлеге әгъзалары, Милли-мәдәни берләшмәләр вәкилләре, педагоглар, фәнни һәм әдәби-мәдәни җәмәгатьчелек, Казан халкы һәм кунаклары катнашты.
Бәйрәм чаралары шагыйрьнең туган җирендә-Лаеш районында дәвам итәчәк, ә бүген төп вакыйгаларның берсе-Г.Р. Державин исемендәге Республика премиясен тапшыру, ул әдәбият өлкәсендә аеруча әһәмиятле әсәрләре өчен язучыларга һәм юристларга юриспруденция өлкәсендә фәнни тикшеренүләре өчен бирелә. Быел премия әдәбият буенча бирелә.