Саба районында мәдәният йортына капиталь ремонт ясалган

2025 елның 9 июле, чәршәмбе

Татарстан Республикасы Саба муниципаль районының Яңа Мичән авылында мәдәният йортына капиталь ремонт ясалды.

Гомуми мәйданы 444 кв. м булган бер катлы бина 1978 елда төзелгән.

Агымдагы елда республика программасы буенча инженерлык челтәрләре, бинаның фасады, керү төркемнәре яңартылган, электромонтаж һәм эчке эшләр башкарылган, территория төзекләндерелгән. Шулай ук капремонт программасы кысаларында Яңа Мичән авылындагы мәдәният йорты яңа җиһазлар һәм технологик җайланмалар белән җиһазландырылган.

Мондый чараларны уздыру «гаилә» милли проектының «гаилә кыйммәтләре һәм мәдәният инфраструктурасы»федераль проектының максатларына һәм бурычларына ирешүгә ярдәм итә.