Аяз Гыйләҗев исемендәге Яр Чаллы татар дәүләт драма театры 35 нче театр сезонына йомгак ясады
Аяз Гыйләҗев исемендәге Яр Чаллы татар дәүләт драма театры 35 нче театр сезонын тәмамлады. Бу якты премьералар, тирән хис-кичерешләр һәм безнең команданың зур уңышлары елы булды.
Бу сезонда тамашачыларга җиде якты премьера тәкъдим ителде.
Яңа сезонны биш яшь актер тулыландырды: Шамагсумова Гүзәл, Һидиятуллин Инсаф, Мөхлисова Алинә, Гаффанов Илназ, Гыйбадуллин Эмиль.
Театр, Казан, Пермь өлкәсе, Башкортостан Республикасы, Екатеринбург һәм Свердловск өлкәсе, Лениногорск, Әлмәт, Җәлил, Нурлат, Чистай шәһәрләре буйлап гастрольләргә чыгып, Чаллыдан читтә дә үз эшен актив күрсәтте.
Сезонның үзенчәлекле вакыйгасы-дәрәҗәле «Тантана» театр премиясендә җиңү: театрның ике актеры төрле номинацияләрдә җиңү яулады:
– «Иң яхшы эпизодик роль» - Рәфыйк Каюмов, «41 ел балалары» спектаклендә Гайфи роле өчен
– «Икенче пландагы иң яхшы ир-ат роле» - Илфат Әскәров «41 ел балалары» спектаклендә Хәлил Фәтхи улы роле өчен
Сезонның йомгаклау вакыйгасы-театрның Казан шәһәрендә төрки халыкларның «Нәүрүз» XVII Халыкара театр фестивалендә чыгышы, анда артистларыбыз «41нче ел балалары» дигән уникаль спектакль күрсәттеләр.
35 сезонның һәр очрашуында залны хис-кичерешләр һәм мәхәббәт белән тутырган кадерле тамашачыларыбызга чын күңелдән рәхмәтебезне белдерәбез. Яңа очрашуларга кадәр, алдагы 36 нчы театр сезонында!