Этномәдәни күргәзмә проектлары конкурсында катнашуга гаризалар кабул ителә башлады
«Күпмилләтле Россия буенча виртуаль тур»IV Бөтенроссия этномәдәни күргәзмә проектлары конкурсында катнашуга гаризалар кабул ителә башлады.
Конкурс халыкларның этномәдәни күптөрлелеген саклап калуга һәм күргәзмә проектларын формалаштыру, яңа иҗади алымнар һәм эшнең виртуаль формаларын кертү аша Россия төбәкләрен алга этәрүгә юнәлдерелгән.
Катнашуга гражданнарның инициатив төркемнәре, күргәзмә һәм мәдәни-ял итү эшчәнлеген гамәлгә ашыручы коммерциячел булмаган оешмалар, дәүләт бюджет һәм муниципаль учреждениеләр вәкилләре чакырыла.
Катнашу өчен этномәдәни экспозиция буенча 10 минуттан да артмаган виртуаль турны видеога төшерергә кирәк. Ролик күргәзмә яки тулы бер этномәдәни музей барлыкка килү идеясен ачарга тиеш. Иҗат итүчеләр аерым экспонат күрсәтә, экскурсия үткәрә, күргәзмә материалын иҗади бирә ала.
Иң яхшы конкурс эшләре «ресурс мохите» видеоканалында урнаштырылачак һәм массакүләм мәгълүмат чараларында һәм башка гавами демонстрацион мәйданчыкларда трансляцияләү өчен тәкъдим ителәчәк.
Моннан тыш, конкурсның мәгълүмати кампаниясе кысаларында социаль челтәрдә этномәдәни күргәзмә проектларына блогер карашын чагылдыра торган вертикаль видеоларның өстәмә конкурсы узачак.
Катнашуга гаризаны 20 сентябрьгә кадәр «Милли мөнәсәбәтләр өлкәсендә ресурс үзәге» АНО сайтында бирергә мөмкин.