Татарстан Республикасы Министрлыклары Татарстан Республикасы Мәдәният министрлыгы

Казан Кремлендә сукыр һәм начар күрүче балалар өчен җәйге музей лагере старт алды

2025 елның 3 июне, сишәмбе

Казан Кремлендә сукыр һәм начар күрүче балалар өчен «җәйге музей лагере» мәдәни-мәгариф проекты ачылды. Смена кысаларында 7,5-11 яшьлек балалар Казан Кремленең музейлары һәм күргәзмә заллары белән танышачак, мастер-классларда катнашачак, үзләрен перформатив практикада сынап караячак.

Лагерь сменасы көннәре билгеле бер темаларга багышлана: «тарих», «традицияләр», «фән», «сәнгать», «һөнәрчелек». Соңгы көнне катнашучылар әти-әниләре һәм волонтерлары белән музей пикнигына барачаклар, анда узган сменадан алган тәэсирләре белән уртаклашачаклар.

Проект «СИБУР» компаниясенең «яхшы эшләр формуласы»социаль инвестицияләр программасы ярдәмендә гамәлгә ашырыла.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2025 ел

Казанда «Терра.Татарстан» форумы узачак

2025 елның 12-13 июнендә Татарстан Республикасы башкаласы Казан шәһәрендә «Терра.Татарстан". Чара гаилә тарихын өйрәнүчеләр, генеалоглар, архивистлар, шулай ук үз нәселенең тарихы һәм мәдәни мирасы белән кызыксынучылар өчен төп вакыйга булачак.

Татарстан Республикасы Рәисе Р.Н. Миңнехановның Рус теле көнен һәм А.С. Пушкинның тууына 226 ел тулуны бәйрәм итү уңаеннан мөрәҗәгате

Кадерле дуслар! Сезне Рус теле көне һәм бөек рус шагыйре Александр Сергеевич Пушкинның туган көне уңаеннан чын йөрәктән тәбрик итәм. Гаять бай рус телендә халыкның җаны чагылыш таба. Ул буыннар арасын бәйли, илебездә яшәүчеләр өчен алыштыргысыз аралашу чарасы булып тора. Бу көнне бөтен Россия иҗаты рус әдәбиятының символына әверелгән даһи әдип Александр Сергеевич Пушкинны хөрмәтли. Без аның таланты, яшәешне бар тулылыгында күрә һәм тоя алуы, кеше тормышының күпкырлылыгын ике йөз ел элеккеге шикелле үк әһәмиятен җуймаган сүзләр белән әйтеп бирү осталыгы алдында баш иябез. Пушкин – милли хәзинәбез, Россиянең һәм кешелек дөньясының горурлыгы. Аның әсәрләре тирән тарих төпкелләрен һәм күпгасырлык традицияләрне үзенә туплаган. Шагыйрь рус телен яратырга һәм кадерләргә, аңа халык зирәклеге һәм илһам чыганагы итеп карарга өйрәтә. Киләчәктә дә күп буыннар тарафыннан гасырлар дәвамында тупланган белем һәм тәҗрибә, рус телендә иҗат ителгән үлемсез әсәрләр Ватаныбызның бөеклеген, аның күпмилләтле халкының көчен раслап яңгырасын! Һәммәгезгә бәхет, рухи күтәренкелек, игелек һәм иминлек телим! Татарстан Республикасы Рәисе Р.Н. Миңнеханов

июнь, 2025 ел

«Алтын мөнбәр» XXI Казан халыкара кинофестиваленең сайлап алу этабы тәмамланды

«Алтын мөнбәр» XXI Казан Халыкара кинофестивале Татарстан башкаласында 2025 елның 5-9 сентябрендә узачак. 1 июньдә конкурста катнашуга гаризалар кабул итү төгәлләнде. Бу масштаблы кинофорумда Американың, Европаның, Азиянең, Австралиянең 67 иленнән кинематографистлар катнашырга теләде. Ә бу җирдәге барлык илләрнең өчтән бере диярлек. Игълан ителгән 845 эш арасында – документаль кино, тулы һәм кыска метражлы нәфис фильмнар, анимация.

Кол Шәриф гөмбәзенең эчке өлешендәге монументаль чишелеш авторларының берсе Фәрит Вәлиуллин күргәзмәсен «Хәзинә» дә ачачак

11 июнь көнне 16: 00 сәгатьтә Татарстан Республикасы Дәүләт сынлы сәнгать музееның милли сәнгать галереясендә (Казан, Кремль, «Хәзинә» музей комплексы, 3 нче подъезд) Фәрит Вәлиуллинның «Сказанием встает Казань...»исемле шәхси күргәзмәсе ачыла.

ЯҢАЛЫКЛАРГА ЯЗЫЛУ