Казан "Аккош күле" Зур театрда уңышлы тәкъдим ителде
22 апрель көнне Россия Зур академия театрының тарихи сәхнәсендә Муса Җәлил исемендәге Татар академия дәүләт опера һәм балет театрының “Аккош күле” спектакле уңышлы тәкъдим ителде. СССРның халык артисты Владимир Васильевның куелышын күрсәтү легендар биюче һәм хореографның 85 еллык юбилеена багышланган иде.
Спектакль Җәлил исемендәге Татар театры көче белән тәкъдим ителде: куелышта катнашу өчен Мәскәүгә балет, оркестр, мимик ансамбль артистлары, Казан хореография училищесы укучылары, техник һәм административ персонал - барлыгы 200дән артык кеше китте. Балетта төп партияләрне театрның әйдәп баручы солистлары - Аманда Гомес (Одетта-Одиллия), Михаил Тимаев (Зигфрид), Вагнер Карвальо (Ротбарт) һәм Олег Ивенко (Бенно) башкарды. Спектакль маэстро куелышының музыкаль җитәкчесе Андрей Аниханов җитәкчелегендә узды.
Мәскәүдә спектакль аншлаг белән узды һәм халык тарафыннан кайнар кабул ителде. Балет тәмамлангач, тамашачылар театр труппасын, дирижерны һәм авторны озак вакытлы алкышлар белән сәламләделәр. Постановка "Россия-Культура" телеканалы тарафыннан язылган.
Исегезгә төшерәбез, Владимир Васильевның авторлык версиясендә "Аккош күле" балеты премьерасы Казанда 17-18 апрельдә узды.