Казанда VI Халыкара орган фестиваль узачак
12-19 март көннәрендә Казанда VI Халыкара орган фестивале узачак. Татарстан Республикасы Дәүләт академия симфоник оркестры чакыруы буенча С.Сәйдәшев исемендәге ДБКЗда төрле илләрдән танылган органистлар чыгыш ясаячак.
Чарага «Гаилә» милли проектының «Пушкин картасы» федераль программасы кысаларында бару мөмкин.
Фестивальнең беренче концертында, 12 мартта, Венгриядән музыкантлар - Даниэль Шомодьи-Тот катнаша, ул дирижёр һәм органист. Шулай ук, яшь органист һәм композитор Питер Силаги.
15 мартта "Һөҗүм итү һәм параллельләр" программасын харизматик япон органисткасы Хироко Иноуэ һәм Британия дирижеры Джереми Уолкер тәкъдим итәчәк.
19 мартта Казанда Россиянең халык артисты, органист Владимир Хомяков һәм халыкара конкурслар лауреаты, дирижер Антон Шабуров чыгыш ясаячак.