Бәйрәм көннәрендә кая барырга: Тинчурин театрының 8 Март афишасы
8 Март – Халыкара хатын-кызлар көне уңаеннан Тинчурин театры бәйрәм спектакльләренә чакыра:
5 март 18:30. «Назлы кияү» (җырлы-биюле комедия, 6+)
Кәрим Тинчуринның үлмәс әсәрләренең берсе – кәләш эзләү тарихы. Артистлар композитор Мәсгут Имашев көйләрен театр оркестрына кушылып башкара. Спектакль 10 нчы ел сәхнәдә бара, 126 нче тапкыр уйнала.
6 март 18:30 «Алай түгел, болай ул» (комедия-скетч,12+)
Дүрт мөстәкыйль скетчтан торган, камил телле, җырлы-биюле, Туфан Миңнуллин иҗат иткән күңелле тамаша. Биредә һәрбер артист дүртәр роль башкара. Хәзерге көндә аеруча актуаль булган гаилә кыйммәтләре темасы күтәрелә. Балага нинди исем кушарга? Аерылыр дәрәҗәгә җиткән гаиләгә ничек ярдәм итәргә? Бу һәм башка сорауларны геройлар ничек хәл итәр?
7 март 18:30 «Эх, алмагачлары! » (комедия, 6+)
Тинчурин театрының күп артистлары катнаша торган спектакльләрнең берсе, инде 10 ел сәхнәдән төшми уйнала. Халык юморы белән сугарылган, җырлы-биюле әлеге постановка тере оркестр уйнавы белән үрелеп бара. Татар авылында клуб ачылышына Президент килергә тиеш. Авыл халкы тырышып-ярышып, зур кунакны каршы алырга әзерләнә. Вакыйгалар да шуның тирәсендә бөтерелә.
8 март 12:00, 17:00 «Туган-тумача» (мелодрама, 12+)
«Туган-тумача» – драматург, режиссер Илгиз Зәйниевнең әбисенең чын тарихы, тормыштан алып, әбисенең сүзләренә нигезләнеп язылган әсәр. Биредә 1950-1970 нче еллардагы татар халкы тормышы күрсәтелә. Бөек Ватан сугышыннан соң авыр язмышлар аеруча күп булган. Әлеге әсәрдә хатын-кызларыбызның рухи көче, физик ныклыгы – барысы да чагылган.
9 март 17:00 «Син бит минем бергенәм (мелодрама, 6+)
Тинчурин театры легендасы – Исламия Мәхмүтова язган һәм үзе үк сәхнәләштерелгән спектакль. Әлеге постановканың театрыбызда икенче куелышы. Яшь егетнең сугышка китүе, сөйгән ярының аны өзелеп китүе, тәкъдир шаяруы, бүгенге көндә сирәк очраган саф мәхәббәт тарихы, күңел кылларын тибрәндерерлек артистлар уены – болар барысы да шушы спектакльдә.