6 ноябрьдә Казанда театр коллективларының «Идел йорт» XIII Халыкара фестиваль-конкурсының йомгаклау туры узачак.
17 көндә тамашачыга 20 спектакль күрсәтеләчәк.
Традиция буенча өченче – йомгаклау туры узган фестиваль-конкурсның «Гран-при» исеменә лаек булган коллектив спектакле белән ачыла. Быел мондый шәрәфкә «Гран-при - 2012» исемен алган Азнакай район-шәһәр Мәдәният сарае халык театры лаек булды. Театр Туфан Миңнуллинның «Гөргөри кияүләре» спектаклен уйнаячак. Аның режиссеры – Татарстан Республикасының Атказанган мәдәният хезмәткәре Гата Җәләлов.
Спектакль 18 сәгатьтә башлана.
Татарстан Республикасы Мәдәният министрлыгының Матбугат хезмәте