Аяз Гыйләҗев исемендәге Чаллы татар дәүләт драма театрында Нәфыйкъ Яһудинның «Атлы казаклар» романына нигезләнгән «Алтын алка» спектакле премьерасы булды. Пьеса авторы – Айгөл Әхмәтгалиева, ә куючы-режиссер – театрның сәнгать җитәкчесе Олег Кинҗәгулов.

«Сәйдәш» мәдәният үзәгендә «Апуш» татар балалар театр студиясе, Бөек Җиңүнең 80 еллыгына багышлап, «Көндәлек» дип аталган биографик драма тәкъдим итте.

Бүген Дәүләт Советының сигезенче утырышында Хөкүмәт сәгате кысаларында Каюм Насыйриның тууына 200 ел тулуны бәйрәм итүгә әзерлек һәм аны уздыру мәсьәләләре буенча фикер алыштылар.

26 мартта Мәскәүдә күренекле дирижер Фуат Шакир улы Мансуров - Россия, Казахстан, Татарстан халык артисты истәлегенә багышланган хәйрия концерты булды. И.В. Әүхәдиев исемендәге Казан музыка көллиятенең «НОВАЯ МУЗЫКА» яшьләр симфоник оркестры Татарстан Республикасы Халык артисткасы Анна Гөлишамбарова җитәкчелегендәге Мәскәүгә тулы составта чыкты һәм бу истәлекле кичәдә зур уңыш белән чыгыш ясады.