СВОда катнашучыларның 10 меңгә якын гаилә әгъзасы Казан циркына Яңа ел тамашасына бүләк итеп билет алды

2024 елның 26 декабре, пәнҗешәмбе

Казан шәһәре мэриясе һәм Казан дәүләт циркы СВОда катнашучыларның гаилә әгъзалары өчен тылсымлы бәйрәм оештырды.

Ике көн - 26 һәм 27 декабрьдә, "Лабиринт" яңа ел могҗизалы әкиятен (Казан циркы һәм Мәскәү циркы Никулинның Цветный бульвардагы уртак проекты) алар өчен генә күрсәтәчәкләр. Барлыгы 5 тамаша узачак, аларга 10 меңгә якын тамашачы киләчәк. Алар арасында СВО сугышчыларының балалары һәм аларны озата баручылар гына түгел, шулай ук Казанның сәләтле балалары да - спортчылар, музыкантлар, җырчылар, рәссамнар, мэриянең стипендиатлары да бар.

Балалар шәһәр башкарма комитетыннан бүләкләр алачак, ә барлык тамашачылар - циркның тылсымлы сәнгате белән очрашудан шатлык һәм күп кенә уңай хис-кичерешләр алачак.