Татарстан Республикасында «Театраль Идел буе» фестивале спектакльләрен күрсәтү узды
Татарстан Республикасында «Театраль Идел буе» балалар һәм яшьләр коллективлары фестиваленең VI сезонының иң яхшы спектакльләрен турыдан-туры күрсәтү этабы узды. Театр эшлеклеләре, мәдәният өлкәсендә җәмәгать фикере лидерлары, Татарстан Республикасы Театр эшлеклеләре берлеге вәкилләре исәбеннән региональ эксперт жюри балалар һәм яшьләр театр студияләренең иң яхшы спектакльләрен карады.
«Театраль Идел буе» фестивале РФ Президентының Идел буе федераль округындагы вәкаләтле вәкиле Игорь Комаров патронаты астында уздырыла һәм «Мәдәният» милли проектының «Иҗади кешеләр» федераль проектының максатларына һәм бурычларына туры килә.
фестиваль җиңүчеләре эксперт тавыш бирү нәтиҗәләре буенча билгеләнә. Йомгаклап бүләкләү Бөтендөнья театр көнендә, 27 мартта, ПФОның барлык 14 төбәген тоташтырып, видеотрансляция (туры эфир) форматында узачак, аның кысаларында округ тавыш бирү йомгаклары игълан ителә һәм фестивальдә җиңүчеләр билгеләнә.