Татарстан композиторы Ильяс Камал «Партитура» III Бөтенроссия яшь композиторлар конкурсында җиңүче булды

2024 елның 27 ноябре, чәршәмбе

К.Тинчурин исемендәге Татар дәүләт драма һәм комедия театры оркестрының сәнгать җитәкчесе һәм баш дирижеры Ильяс Камал «Иң яхшы опера» номинациясендә «Партитура» III Бөтенроссия яшь композиторлар конкурсында «Урал Урдасы» әсәре белән җиңде.

Конкурска йомгаклар Мәскәү консерваториясенең Зур залында гала-концертта ясалды.

Конкурста җиңүчеләргә акчалата бүләкләр тапшырылачак. Моннан тыш, аларның музыкасы "Орфей" радиосында яңгыраячак, ә партитуралар гомуми файдалану өчен "Орфей" нота архивының электрон платформасында урнаштырылачак.

Җиңүегез белән котлыйбыз һәм иҗади уңышлар телибез!