Казанда Үзбәкстан Республикасының Каракалпакстан Мәдәният көннәре уза
«Казанда Шәрык базары» милли мәдәниятләр фестивален ачу кысаларында Казан Ратушасында каракалпак рәссамнарының 4 көнлек иҗат әсәрләре күргәзмәсен ачу Мәдәни көннәрнең беренче чарасы булды.
Шулай ук бүген Татарстан Республикасы Мәдәният министрлыгында ТР мәдәният министры Ирада Әюпова Үзбәкстан Республикасы Каракалпакстан Республикасы делегациясе белән очрашты. Очрашуда Каракалпакстан Республикасы Министрлар Советы Рәисе урынбасары Рәсүл Зарикеев, Каракалпакстан Республикасы мәдәният министры Бегисбай Темирбаев, Үзбәкстан Республикасының Казандагы Генераль консулы Нодиржон Касыймов, Үзбәкстан Республикасының Мәдәният министрлыгы каршындагы Үзбәкстан Дәүләт филармониясе директоры Анваржон Тожибаев катнашты.
Каракалпакстан мәдәнияте көннәре Казанда 25-28 ноябрь көннәрендә уза. Программада - сәнгать осталары концерты, Каракалпак ТЮЗы спектакле, милли гамәли сәнгать рәссамнары һәм осталары күргәзмәсе.