Казанда «Филармониада» XVII Халыкара сәнгать фестивале старт ала

2024 елның 25 ноябре, дүшәмбе

2024 елның 5еннән 14 декабренә кадәр Г.Тукай исемендәге Татар дәүләт филармониясе концертлар залында чираттагы мәртәбә Татарстан Республикасының иң эре, популяр һәм яктыртыла торган мәдәни вакыйгаларының берсе узачак.

Бүгенге көндә фестиваль уникаль һәм бердәнбер булып тора, чөнки берничә көн эчендә бөтен филармония эшчәнлеген колачлый һәм сәхнә сәнгатенең барлык жанрларын тәкъдим итә: классик музыкадан алып джазга кадәр, сөйләшүдән алып бию гамәленә кадәр, фольклордан эстрадага кадәр. Һәм тәкъдим ителә торган жанрларның кысалары елдан-ел киңәя. Бу сезонда тамашачыларны гадәттәгечә эксклюзив концерт программалары һәм артистларның искиткеч чыгышлары көтә.