Казанда милләтара яшьләр форумы эшли башлады

2024 елның 18 ноябре, дүшәмбе

Казанда «Халыклар дуслыгы - Татарстан байлыгы» XI республика милләтара яшьләр форумы эшли башлады. Форумның тантаналы ачылышы Татарстан халыклары дуслыгы йортында узды.

Мондый чаралар үткәрү «Мәдәният» милли проектының «Иҗади кешеләр» федераль проекты максатларына һәм бурычларына туры килә.

Форум эшендә Татарстан халыклары ассамблеясе составындагы Татарстан милли-мәдәни берләшмәләренең яшьләр оешмалары лидерлары, шулай ук Татарстан Республикасының муниципаль районнарында һәм шәһәр округларында эшләүче Татарстан халыклары Яшьләр ассамблеясе вәкиллекләре катнаша.