Театр актерларының ватаны, мамык яулыклар һәм кабартма: Казанда Балык Бистәсе районының Мәдәният көне узды

2024 елның 1 ноябре, җомга

25 октябрьдә Казанда “Татарстанның мәдәни башкаласы” конкурсы кысаларында Балык Бистәсе районының Мәдәният көне узды.

Мондый чаралар үткәрү «Мәдәният» милли проектының «Иҗади кешеләр» федераль проекты максатларына һәм бурычларына туры килә.

Район үзешчәннәре тарафыннан әзерләнгән театральләштерелгән тамаша тәкъдим ителгән концертта шулай ук татар эстрадасы артисткасы, Балык Бистәсе районында туып-үскән Зарина Хәсәншина да чыгыш ясады.