Татарстан - «Пушкин картасы» программасын гамәлгә ашыру буенча лидер-төбәк

2024 елның 1 октябре, сишәмбе

Мәскәүдә "Мәдәният" милли проектының "Пушкин картасы" федераль проектын үстерүгә керткән өлеше өчен премияләр тапшыру тантанасы булды.

Татарстан «Пушкин картасы» программасын гамәлгә ашыруда иң яхшы нәтиҗәләрне күрсәтте.

Республикадан Татарстан Республикасы мәдәният министры Ирада Әюпова, шулай ук алдынгы мәдәният учреждениеләре директорлары катнашты.

"Пушкин картасы" федераль бюджет хисабына музейларга, театрларга, филармониягә, кинозалларга бушлай йөрергә мөмкинлек бирә. Программада 14 яшьтән 22 яшькә кадәр Россия халкы катнаша. Карта номинациясе 5 мең сум тәшкил итә.