РФ Мәдәният министрлыгы Казанда беренче тапкыр «РФ Музей фондын саклауны тәэмин итүнең актуаль мәсьәләләре» дигән фәнни-гамәли семинар уздыра
21-25 октябрьдә РФ Мәдәният министрлыгы Казанда беренче тапкыр Идел буе федераль округы музей хезмәткәрләре өчен «РФ Музей фондын саклауны тәэмин итүнең актуаль мәсьәләләре» дигән фәнни-гамәли семинар уздыра.
Семинарга экспертлар сыйфатында Россиянең абруйлы музей белгечләре чакырылган. Анда Россия Федерациясенең 7 субъектыннан музей хезмәткәрләре катнаша.
Тикшереләчәк төп мәсьәләләр: хәзерге заманда музей эшендәге актуаль мәсьәләләр һәм аларны хәл итү юллары; РФ музейлары фондларындагы мәдәни хәзинәләрнең саклануын тәэмин итү өчен музей эшендә заманча техник һәм электрон чаралар файдалану тәҗрибәсе;музей экспонатларын даими яисә вакытлыча саклауга тапшырган вакытта документлар рәсмиләштерү тәртибе; фондларда хисапка алу эшен башкарганда мәгълүмат технологияләреннән файдалану, "Дәүләт һәм муниципаль ихтыяҗларны канәгатьләндерү өчен товарлар сатып алу, эш башкару, хезмәт күрсәтү өлкәсендә контракт системасы турында" 2013 елның 05 апрелендәге ФЗ -44 номерлы Федераль закон кысаларында музейлар эшенең оештыру һәм хокукый юнәлешләре.
Семинарда докладлар укылачак, түгәрәк өстәлләр, осталык дәресләре уздырылачак.
Хөрмәтле журналистлар! Сезне 22 октябрьдә 9 сәгать 30 минутта семинар ачылыр алдыннан Татарстан Республикасы Мәдәният министрлыгының конференцияләр залында уздырылачак матбугат конференциясенә чакырабыз.
Телефоннар: 8(495) 617-42-71, 8-916-350-67-90.
Татарстан Республикасы Мәдәният министрлыгының Матбугат хезмәте