Казанда Рәшит Ваһапов исемендәге XX Халыкара татар җыры фестиваленең гала-концерты узачак
16 сентябрьдә С.Сәйдәшев исемендәге ДБКЗда Рәшит Ваһапов исемендәге XX Халыкара татар җыры фестиваленең гала-концерты була. Фестиваль 2004 елда татар мәдәниятен, башкару сәнгатен алга таба үстерү, милләтара, төбәкара һәм дәүләтара мәдәни диалогны ныгыту, гомуми рухи мирасны саклау һәм арттыру, шулай ук Рәшит Ваһапов (1908-1962) - бөек татар җырчысы, Татарстан АССРның халык артисты, профессиональ татар эстрадасына нигез салучы Рәшит Ваһапов (1908-1962) истәлеген мәңгеләштерү максатларында гамәлгә куелды.
Проект Татарстан Республикасы Рәисе Р.Н. Миңнеханов, Мәдәният министрлыгы һәм Россия Федерациясе Тышкы эшләр министрлыгы тарафыннан хупланды.
Фестивальне оештыручы - Татарстан Республикасы Мәдәният министрлыгы ярдәмендә Рәшит Ваһапов исемендәге Татар мәдәнияте Иҗтимагый фонды.
Фонд директоры, фестивальнең генераль продюсеры - Россия Федерациясе һәм Татарстан Республикасының атказанган мәдәният хезмәткәре Рифат Әхмәт улы Фәттахов.