Мәскәүдә Татарстан мәдәнияте көннәре: Мәскәүдә Тукай һәм Җәлил истәлеген хөрмәтлиләр
20 августтан 22 августка кадәр Мәскәүдә Татарстан мәдәнияте көннәре узачак.
Татарстанның Мәдәният көннәре кысаларында Мәскәүдә Габдулла Тукай һәм Муса Җәлил һәйкәлләренә чәчәкләр салачаклар. Тантана 21 августта узачак.
12:00 сәгатьтә Муса Җәлил урамы, 2 адресы буенча Советлар Союзы Герое Муса Җәлил һәйкәленә чәчәкләр салу тантанасы була. 25 августта шагыйрь һәм аның көрәштәшләре һәлак булганнан соң 80 ел тула.
15:40 да Новокузнецкая урамындагы скверда татар шагыйре Габдулла Тукай һәйкәленә чәчәкләр кую тантанасы узачак.
Өч көн дәвамында Мәскәүдә Татарстан мәдәнияте көннәре кысаларында Татарстан киносы көннәре һәм “Татаркино” учреждениесенең 100 еллыгына багышланган күргәзмә, “Брелок”, “Нигез йорт”, “Остазбикә” фильмнары күрсәтеләчәк, Мәскәүнең Татар мәдәни үзәге коллективлары концерты, Татарстан Республикасының шагыйрьләре һәм язучылары белән иҗади очрашу, халык костюмы коллекционеры һәм реконструкторы Гөлшат Нугайбeкованың “Татар бизәлешләре” темасына лекциясе узачак. Мәскәүдә Татарстан Мәдәният көннәре тәмамлана.