Муниципаль районнарда «Мәхәллә» проектын гамәлгә ашыру дәвам итә
Безнең республиканың муниципаль районнарында «Мәхәллә» иҗат киңлеге» проектын гамәлгә ашыру дәвам итә.
Мондый чаралар үткәрү «Мәдәният» милли проектының «Иҗади кешеләр» федераль проекты максатларына һәм бурычларына туры килә.
Кукмара районында Туембаш авылы Мәдәният йортында "Йон тарихлары" проекты эше дәвам итә.
Клуб формалаштыру эшчәнлеге кысаларында мастер-класслар өчен киңлек оештырылган.
Арча районында Ташкичү авылы Мәдәният йортын - Иҗади “ТатАРЧА бизәкләре” остаханәсен формалаштыру эше дәвам итә. Очрашулар атна саен оештырыла һәм мастер-класслар рәвешендә уздырыла.
Балык Бистәсе районында «Капка төбендә» проекты һәм «Бистә шәле» проекты уртак эшне оештырды.
«Мәхәллә» иҗат киңлеге - уникаль арт-кластер, анда сәнгать сөючеләрне җыю күздә тотыла. Бу рәсем, арт-коворкинг, туку, чигү, агач буенча бизәкләр төшерү һәм башка клуб берләшмәләренең уртак дәресләре булырга мөмкин.