Татарстан Республикасы «Пушкин картасы» программасын гамәлгә ашыру буенча алдынгылар рәтендә
Татарстан Республикасы территориясендә «Мәдәният» милли проектының «Пушкин картасы» федераль программасы актив гамәлгә ашырыла.
Россия Федерациясе Мәдәният министрлыгы мәгълүматлары буенча, бу елның 1 июленә Татарстан Республикасында «Пушкин картасы»н «Мәдәният дәүләт хезмәте» мобиль кушымтасында чыгарган 286 919 граждан - потенциаль катнашучылар гомуми санының 79,41 %ы (барлыгы 361 292 кеше).
2024 елның беренче яртыеллыгы нәтиҗәләре буенча Татарстан күрсәткеченең абсолют кыйммәтләре буенча Мәскәүдән (902 мең катнашучы), Санкт-Петербургтан (549 мең катнашучы) һәм Краснодар краеннан (302 мең катнашучы), катнашучылар өлеше буенча 3 урында тора: республиканы Санкт-Петербург (114,2 %), Мәскәү (82,5 %) узып китә, безне Түбән Новгород өлкәсе (76,8 %) һәм Чуваш республикасы (71,2 %) куып җитә.
2024 елның 6 аенда Татарстан Республикасының барлык милек рәвешләрендәге оешмалар тарафыннан гомуми суммасы 236,8 млн сумлык 624 меңнән артык билет сатылган.
Программада катнашучылар - 14 яшьтән 22 яшькә кадәр яшьләр.
«Пушкин картасы» программасы театрларга, музейларга, филармониягә, кинотеатрларга билетлар сатып алуны күздә тота. 2024 елда Пушкин картасы номиналы 5000 сум тәшкил итә.
"Пушкин картасы" федераль программасы кысаларында мөмкин булган мәдәни чаралар афишасын Дәүләт хезмәтләре порталларында карарга була: Госуслуги.Культура, Культура.РФ.