Татарстанның мәдәни мирасы турындагы күргәзмәне Беларусьта тәкъдим итәчәкләр

2024 елның 25 июле, пәнҗешәмбе

25 июльдә Беларусь Республикасының Милли тарихи музеенда «Традицияләрнең тере җебе» күргәзмәсе ачыла. Проектны иҗат итүчесе - Татарстан Республикасының Милли музее.

25 июльдә Беларусь Республикасының Милли тарихи музеенда «Традицияләрнең тере җебе» күргәзмәсе ачыла.

Күргәзмәдә заманча декоратив-гамәли сәнгать предметлары тәкъдим ителгән: бизәкле күн аяк киеме, туку, чигү, челтәрләр, нәфис керамикалар, зәркән эшләнмәләр.

Күргәзмә 25 июльдән 25 августка кадәр Белоруссия Республикасының Милли тарихи музеенда Минск, Ленин урамы, 20 адресы буенча оештырыла.