Татарстанда китапханә базасында Добро.Центр барлыкка киләчәк.

2024 елның 13 июне, пәнҗешәмбе

Россия көнендә Мәскәүдә ВДНХда Добро.Конференция - 2024 кысаларында Добро.Үзәкнең социаль франшизасын алуга килешү имзаланды.

Шундый үзәкләр булдыру исәбенә Роберт Миңнуллин исемендәге Республика балалар китапханәсе дә керде.

Тантанада китапханә директоры Мөхәммәтгәрәева Ирина Дамировна һәм Волонтерлар үзәкләре ассоциациясе башкарма директоры Антонов Кирилл Максимович катнашты.

Роберт Миңнуллин исемендәге республика балалар китапханәсе балалар арасында волонтёрлык юнәлешен актив үстерә, китапханәдә волонтерлар клубы эшли.

Волонтерлар үзәкләрен төзү «Мәдәният» милли проектының «Иҗади кешеләр» федераль проекты максатларына һәм бурычларына туры килә.