Казанда архив киносының беренче республика фестивале
15 майда Татарстан кинематографының гасыры кысаларында Казанда беренче тапкыр республика архив киносы фестивале старт ала. Тамашачылар Россиядә иң эре «Татаркино» дәүләт бюджет мәдәният учреждениесенең коллекциясе белән таныша алачак.
«Безнең архивның иң төп кыйммәте - республика производствосының барлык фильмнары булу. Татарстан кинематографының йөз еллыгы безнең өчен тагын бер мөмкинлек ачты - безнең саклагычыбызның киноленталарын күрсәтү. Барлыгы фондта - 13 800 кинокартина. Кинематографистлар карашынча, кунаклар Татарстанның аякка басу хроникасын, республиканың төп вакыйгаларын, эре төзелешләрне күрә алачак. Шулай ук без 2000 елларда актив үсә башлаган уен киносын күрсәтәчәкбез», - дип сөйләде «Татаркино» директоры Миләүшә Айтуганова.
Программага замандашлары оныткан кинотасмалар, аз билгеле фәнни һәм тамашалы кино, Татарстанның танылган шәхесләре турындагы фильмнар-портретлар һәм Казан кинохроникасы кертелгән.
Фестиваль Казанда Аксёнов исемендәге скверда һәм республиканың район үзәкләрендә ачык һавада узачак. Казан мәйданчыгында 16 показ булачак, һәр мәдәни кичә яңа тематик бүлек белән тәкъдим ителәчәк.
Барлык күрсәтүләр чәршәмбе көннәрендә 19:30 да узачак, керү - ирекле.
Республика архив киносы фестивале чаралары безнең интернет-ресурсларда ачык булачак:
https://vk.com/tatarkino («Татаркино» ВКонтакте бергәлеге);
https://tatarkino.ru/ ("Татаркино" сайты).