Татарстанда Беларусь һәм Россия халыкларының берләшү көнен билгеләп үттеләр
Татарстан Халыклар дуслыгы йортында Беларусь һәм Россия халыкларын берләштерү көненә багышланган тантаналы чара узды. Татарстан Хөкүмәте һәм Мәдәният министрлыгы исеменнән Татарстан Республикасы мәдәният министры урынбасары Дамир Натфуллин чыгыш ясады.
«20 елдан артык тугандаш илләр союздаш дәүләт кысаларында уңышлы хезмәттәшлек итә, төбәкара элемтәләрне динамик рәвештә үстерә. Россия һәм Белоруссия арасындагы мәдәният һәм диалог һәрвакыт ике илнең аерым игътибары предметы булды. Бүгенге чара - моңа дәлил. Бу дата безнең халыкларның бердәм тарихи хәтер, гомуми рухи һәм мәдәни традицияләр белән бәйле туганлыгын символлаштыра. 2023 елда ТР рәсми делегациясенең РБга визиты кысаларында хезмәттәшлек өчен юл картасы имзаланды, ул мәдәният өлкәсендә мөнәсәбәтләребезгә яңа этәргеч бирде. Һәм инде 2023 елның көзендә Белоруссиядә зур уңышлар белән Татарстан Мәдәният көннәре узды. Ышанам ки, безнең халыкларның бай тарихи мирасы, рухи һәм мәдәни якынлыгы алга таба да ике дәүләт үсеше өчен ныклы нигез булып хезмәт итәчәк, - диде Натфуллин.