Казанда Удмуртия Рус драма театры гастрольләре узачак
17 һәм 18 апрельдә Г.Камал исемендәге Татар дәүләт академия театры сәхнәсендә Удмуртиянең Рус драма театры (Ижевск шәһәре) гастрольләре узачак. Гастроль репертуарда А.Пушкин әсәрләре буенча ике спектакль - "Дама Пик" һәм "Бары тик хатын-кызлар өчен генә" комедиясе.
"Дама Пик" мистик триллеры нигезендә Пушкинның ике тексты - "Пиковая дама" һәм "Фаустан сәхнә" повесте. Ике Пушкин әсәрен берләштергәннән соң, режиссер Яков Ломкин иблис белән алыш-биреш темасын билгеләде, аңа Фауст та, Германн да керә.
Романтик линия триллер белән үрелә, ә борынгы тарих заманча яңгыраш ала. Удмуртиянең Дәүләт рус драма театры Ижауда 1935 елда ачыла.
Театр җирле һәм чакырылган иҗат әһелләре белән уңышлы хезмәттәшлек итеп, яңа тәэсирлелек чаралары эзләүне актив алып бара. Театр спектакльләре берничә тапкыр Россия һәм халыкара фестивальләрдә катнашучылар һәм лауреатлар булды.