Казанда Татарстан Республикасының Габдулла Тукай исемендәге Дәүләт премиясен алуга кандидатлар эшләре буенча ачык фикер алышулар узачак
Агымдагы елның мартында Татарстан Республикасының Габдулла Тукай исемендәге Дәүләт премиясе буенча Комиссиясенең 2024 елда Габдулла Тукай исемендәге Дәүләт премиясенә тәкъдим ителгән әсәрләрне һәм эшләрне карауга багышланган утырышы булды. Анда Премия алуга 10 кандидат тәкъдим ителде.
Агымдагы елның апрелендә Казан мәдәният учреждениеләрендә Татарстан Республикасының Габдулла Тукай исемендәге Дәүләт премиясенә 2024 елда кандидатлар эшләре турында һәрьяклап фикер алышулар узачак.
Беренче фикер алышулар 3 апрельдә 16:00 сәгатьтә Габдулла Тукай әдәби музеенда узачак һәм әдәби өлкәгә багышланачак. Иҗади очрашуда катнашучыларга үз эшләрен балалар шагыйре һәм драматургы Рафис Корбан (Корбан Рафис Харисович), язучы Лаис Зөлкарнай (Харрасов Ләис Мәүлид улы), Россия балалар шагыйре, прозаик, тәрҗемәче, автор башкаручы Вайнер Борис Гыйршевич тәкъдим итәчәк.
11 апрельдә 16:00 сәгатьтә Салих Сәйдәшев музеенда музыка һәм театр өлкәсендә Премия номинантлары эшләре буенча фикер алышулар узачак. Очрашуда композитор Гатауллин Риф Хоббулович, пианист һәм композитор Низамов Эльмир Җәүдәт улы, Татарстан Республикасы камера хоры җитәкчесе һәм дирижеры Тәминдарова Миләүшә Әмир кызы, «Әлфия» Татар дәүләт курчак театрының «Әлфия» курчак театрының актерлар составы катнаша.
12 апрельдә 14:00 сәгатьтә «Хәзинә» Милли сәнгать галереясендә рәсем сәнгате өлкәсендәге эшләр турында фикер алышачаклар. Үз эшләрен совет һәм Россия рәссамы, рәссам, керамист, дизайнер Сәлахов Рабис Магалимович, скульптор Замитов Кадим Залилович, фотографлар Галиев Рамил Якубович һәм Канаев Евгений Александрович тәкъдир итә. Иҗади очрашуларда Татарстан Республикасы иҗат берлекләре, Татарстан Республикасы Мәдәният министрлыгы вәкилләре, профильле экспертлар, галимнәр, киң иҗади җәмәгатьчелек катнаша.
Чарага керү ирекле.