Мәдәният хезмәткәрләре көнендә Татарстан Республикасы Раиса каршындагы Мәдәният һәм сәнгать советы узды
Бүген Татарстан Республикасы Президенты Рөстәм Миңнеханов рәислегендә Татарстан Республикасы Мәдәният һәм сәнгать советы утырышы узды. Бу көнне Россия Федерациясендә Мәдәният хезмәткәрләре көне билгеләп үтелә.
Нотыклар белән Татарстан Республикасы мәдәният министры Ирада Әюпова, Татарстан Республикасы Фәннәр академиясе президенты Рифкать Миңнеханов, Н.Г.Җиһанов исемендәге Казан дәүләт консерваториясе ректоры Вадим Дулат-Алеев, Казан дәүләт мәдәният һәм сәнгать институты ректоры Роза Әхмәдиева, профессор, икътисад фәннәре кандидаты, Югары икътисад мәктәбе икътисады дәүләт секторы үзәге директоры Татьяна Абанкина, «Бөтендөнья татар яшьләре форумы» иҗтимагый оешмасы рәисе, univer.tatar порталы уйлап табучысы, «Ачык университет» мәгариф платформасының IT-координаторы Райнур Хәсәнов чыгыш ясады.
Утырышның темасы - «Татарстан Республикасы үсеше һәм кешенең үзаңын күтәрү факторы буларак, тарих һәм мәдәният өлкәсендә фәнни тикшеренүләр: тармакны фәнни кадрлар белән тәэмин итү, мәдәният учреждениеләрендә фәнни-тикшеренү эшчәнлеген киңәйтү, социаль тикшеренүләр үткәрү, Татарстан Республикасы музейларының реставрация эшчәнлеген үстерү, прототиплаштыру үзәге».
Утырыш кысасында фәнни тикшеренүләр контекстында тарихи-мәдәни мирас, мәдәният һәм сәнгать өлкәсендә фән үсешенең төп проблемалары, фән һәм практиканың үзара бәйләнеше, мәдәният өлкәсендә фәнни тикшеренүләр, татар телен һәм мәдәниятен үстерүдә ясалма интеллект куллану перспективалары, шулай ук музыкаль сәнгать өлкәсендә фәнни эшләнмәләрнең мөмкинлекләрен ничек арттырырга дигән мәсьәлә каралды.
Белешмә
Советта мәдәният өлкәсендәге эшләрнең торышы турында Татарстан Республикасы Рәисенә мәгълүмат бирү, мәдәният һәм сәнгать оешмалары һәм эшлеклеләре белән Татарстан Республикасы дәүләт сәясәтенең төп юнәлешләрен һәм өстенлекле юнәлешләрен формалаштыру буенча үзара хезмәттәшлекне тәэмин итү өчен төзелгән эксперт-консультатив киңәшмә орган тора.