Татарстан мәдәният өлкәсе хезмәткәрләре өчен Президентлык мәдәни инициативалары фондының гариза бирү кампаниясе буенча укулар үткәрелде
8 февральдә Татарстан Республикасы Милли китапханәсендә 2024 елда Мәдәни инициативалар фондының икенче конкурсының гариза бирү кампаниясенә багышланган уку узды.
Анда 120 дән артык кеше катнашты. Алар арасында проектларның иҗади командалары вәкилләре, Татарстан Республикасы муниципаль берәмлекләре мәдәният учреждениеләре хезмәткәрләре, шулай ук шәхси эшмәкәрләр һәм үз-үзләрен эш белән тәэмин итүчеләр бар иде.
Спикерлар булып “Таткультресурсцентр” ДБУнең проект эшчәнлеге һәм мәдәни инициативаларын яклау секторы мөдире Гүзәл Фәезова һәм “Татарстан Республикасы эшмәкәрлекне яклау фонды” социаль өлкә инновацияләре үзәге җитәкчесе, КУЭ корпорациясе һәм Россия экспорт үзәге сертификацияләнгән бизнес-тренеры Михаил Унтура чыгыш ясады.
Үз чыгышында Гүзәл Фәезова ПФКИ конкурсына заявкаларны тутырганда еш кына барлыкка килә торган сорауларга кагылды, проектларны бәяләгәндә төп ун критерий буенча хаталарны тикшерде.
Михаил Унтура "Проект идарәсе" тренингын үткәрде, ул яңа проектны гамәлгә ашыруга, яңа проектны эшләтеп җибәрүгә һәм проект эшчәнлегенең төп процессларын карауга юнәлдерелгән иде. Тренинг азагында чарада катнашучылар эшлекле уенда катнашты. Уен барышында алар командаларга бүленделәр, үз проектларын эшләделәр, максатлар һәм бурычларны формалаштырдылар, ә аннары бу проектларны якладылар.