Әлмәт театры режиссерлар һәм халык театрлары җитәкчеләре өчен программа әзерләде
6 апрель Әлмәт театрында Ш.З.Закиров исемендәге «Идел-йорт» театраль коллективларының төбәкара фестиваль-конкурсы кысаларында халык һәм үзешчән театр коллективлары өчен иҗат лабораториясе узачак.
Кичә Әлмәт театрында Татарстан районнарыннан һәвәскәр театрлары режиссерлары очрашу, мастер-класслар үткәрү программасын эшләү буенча оештыру җыелышы узды. Республиканың төрле почмакларыннан килгән хезмәттәшләренә Әлмәтлеләр «Син ярата беләсең» / «Йөрәк сере» спектакленнән өзек күрсәтәчәкләр.
Аннан соң кунаклар режиссер Наилә Нәҗиповага сораулар бирә, аннары сәхнә хәрәкәте, грим һәм сәхнә чыгышлары буенча мастер-классларга бара алачак. Театрның яңа арт-тирәлеге һәм тәҗрибәсе мәдәният йортларында эшләү өчен үзләштерә алырлык программа белән дә танышачак.
Лабораторияне оештыручылар: Татарстан Республикасы Мәдәният министрлыгы, «Татарстан Республикасы мәдәният өлкәсендә инновацияләр кертү һәм традицияләрне саклауның ресурс үзәге» ДБУ.