Татарстанда Нәҗип Җиһанов исемендәге «Мирас» VIII татар музыкасы фестивале уза

2023 елның 8 феврале, чәршәмбе

Бүген С.Сәйдәшев исемендәге Дәүләт Зур концертлар залында Александр Сладковский җитәкчелегендәге Татарстан Республикасы Дәүләт академия симфоник оркестры Нәҗип Җиһанов исемендәге «Мирас» VIII татар музыкасы фестивален ачты.

Солистлар - Алинә Шәрипҗанова, Әмир Әхмәдишин, Алмас Хөсәенов (вокал), Динә Закирова (кыл-кубыз), Гөлнар Ярмиева (курай). Шулай ук концертта Миләүшә Тәминдарова җитәкчелегендә ТР Дәүләт камера хоры да катнашты.

Дирижёр пульты артында - Россия Федерациясенең атказанган сәнгать эшлеклесе, Татарстан Республикасының халык артисты Рөстәм Абязов.

Концертны алып баручылар - Александра Нагорнова һәм Әмир Әхмәдишин.