Чистайда «Созвездие-Йолдызлык» фестиваленең жюри әгъзаларыннан традицион мастер-класслар узды
22 февраль көнне «Созвездие-Йолдызлык» эстрада сәнгатенең ел саен уздырыла торган ачык республика телевизион яшьләр фестивале конкурсантларын тыңлау башлана. Беренче зональ этабы алдыннан республиканың шәһәр һәм авылларында фестиваль хәрәкәтенең танылган әгъзаларыннан мастер-класслар уза. Кичә Чистайда проектта катнашучылар һәм педагоглар белән очрашу булды.
Укулар өч юнәлеш буенча узды - вокал, хореография һәм конферанс.
Актерлык осталыгы, вокал һәм хореография сәнгатенең нечкәлекләре, шулай ук нәфис сүз турында: РФ Хөкүмәтенең мәдәният өлкәсендәге премиясе лауреаты, Татарстан һәм Кырым Республикасының атказанган сәнгать эшлеклесе Дмитрий Туманов; РФ атказанган артисткасы, ТР халык артисты, ТР Дәүләт җыр һәм бию ансамбленең баш балетмейстеры Раилә Гарипова; Татарстанның һәм Кырым Республикасының атказанган артисты, «Созвездие-Йолдызлык» арт-резиденциясенең сәнгать җитәкчесе Дмитрий Платонов.
Моннан тыш, ТР атказанган мәдәният хезмәткәрләре Айрат һәм Лилия Баһаутдиновлар, Брунов исемендәге эстрада артистларының Гран-при иясе, «Созвездие-Йолдызлык» Арт-резиденциясе артисты, вокал мәктәбенә нигез салучы Владимир Шнитко үз белемнәре белән уртаклаштылар.
Мастер-класслар сериясе ТР Яшьләр эшләре министрлыгы ярдәмендә уза.