IX Казан кинофестиваленең конкурс программасы төзелде

2013 елның 29 июле, дүшәмбе

1 августта 15 сәгатьтә Татарстан Республикасы Мәдәният министрлыгының конференцияләр залында  ( Пушкин урамы, 66/33, 4 кат) IX Казан Халыкара мөселман кинофестиваленә багышланган матбугат конференциясе була. Сайлап алу комиссиясе вәкилләре башкарылган эшләр турында сөйләп, конкурска кертелгән 50 фильмны атаячак.

Матбугат конференциясендә катнашалар:

- Сергей Лаврентьев (Мәскәү), сайлап алу комиссиясе рәисе, кино белгече, кино тарихчысы;

- Светлана Хохрякова (Мәскәү), сайлап алу комиссиясе рәисе, кино тәнкыйтьчесе, «Московский комсомолец» газетасы күзәтүчесе;

- Гүзәл Нигъмәтуллина, Татарстан Республикасы мәдәният министры урынбасары;

- Елена Алексеева, сайлап алу комиссиясе рәисе, кино белгече.

Хөрмәтле журналистлар! Сезне матбугат конференциясендә катнашырга чакырабыз. Аккредитацияне shigabetdinov.pr@gmail.com. электрон адресына язып узарга мөмкин.

Өстәмә мәгълүмат: http://kazan-mfmk.com/, 8 927 2400017

Татарстан Республикасы Мәдәният министрлыгының Матбугат хезмәте

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International