Казан Кремлендә «Россия музейларында ислам мирасы» Бөтенроссия фәнни-гамәли конференциясе ачылды
8 декабрьдә Казан Кремлендә «Россия музейларында ислам мирасы» дигән Бөтенроссия фәнни-гамәли конференциясе ачылды.
Бу көнне Казан һәм Мәскәү спикерлары - галим-тарихчылар, филологлар, сәнгать белгечләре, социологлар, дин белгечләре, мөселман һәм православие уку йортлары укытучылары катнашында түгәрәк өстәл узды. Тема - «Заманча җәмгыятьнең традицион рухи кыйммәтләрен саклау ресурсы буларак конфессиональ хезмәттәшлек».
9 декабрьдә ике күргәзмә тәкъдим ителәчәк: ТР Милли музее җыелмасыннан «Татар шәмаиле» һәм Петербург ислам мәдәнияте музее җыентыгыннан «Биш очлы йолдызлы Коръән».
Фәнни форум ТР Мәдәният министрлыгы ярдәме белән ТР Милли музее тарафыннан оештырылган. Оештыручыдашлар - Мәрҗани исемендәге тарих институты, Болгар ислам академиясе һәм Россия ислам институты.