Казанда Бөтендөнья мәдәни һәм табигый мирасны саклау турындагы Конвенциянең 50 еллыгына Халыкара форум ачылды
Дүшәмбе, 5 декабрь көнне Казанда Бөтендөнья мәдәни һәм табигый мирасны саклау турындагы конвенциясенең 50 еллыгына Халыкара форумның рәсми ачылышы һәм пленар утырышы булды. Анда катнашучыларны Россия Федерациясе Мәдәният министры Ольга Любимова, Татарстан Республикасы башлыгы Рөстәм Миңнеханов һәм Россия Федерациясе табигый байлыклар һәм экология министры урынбасары Мурад Керимов сәламләде.
Тышкы эшләр министрлыгы башлыгы, ЮНЕСКО эшләре буенча Россия Федерациясе комиссиясе рәисе Сергей Лавров чараны оештыручыларны һәм катнашучыларны сәламләде. Рөстәм Миңнеханов очрашуда катнашучыларны Татарстан Республикасы исеменнән сәламләде, «ул элек-электән Көнбатыш һәм Көнчыгыш арасында мөһим бәйләүче күпер булып тора», дип билгеләп үтте. ЮНЕСКО Бөтендөнья мирасы үзәге директоры Лазар Элунду-Ассомо пленар сессиягә видеомөрәҗәгать аша кушылды.
Форум 9 декабрьгә кадәр дәвам итәчәк. Чара кысаларында ЮНЕСКО Бөтендөнья мирасы комитетының җиде конференциясе һәм яшьләр моделе узачак. Казанга 56 ил вәкиле килде.