«Созвездие-Йолдызлык» Арт-резиденциясе республика шәһәрләрен һәм авылларына уңай тәэсирләр бүләк итә
Бүген «Созвездие-Йолдызлык» Арт-резиденция гастроль эшчәнлеген актив үстерә, Татарстан буенча үзенең сәяхәтен дәвам итә, авыл һәм шәһәр тамашачысының көчле алкышларын яулый.
28 ноябрь «Созвездие-Йолдызлык» театры труппасы Чистайда «Аршин мал алан» спектаклен куйды, ә кичә Яшел Үзәндә, Горький исемендәге мәдәни үзәктә уңышлы чыгыш ясады.
Хәзер труппа нон-стоп режимында эшли. Туманов фикеренчә, артистларның арыганлыгына карамастан, труппа вәкилләре тамашачы алдына чыгу өчен мөмкинлекне ычкындырмый һәм зур тырышлык куеп эшли.
Инде 6 декабрьдә «Созвездие-Йолдызлык» театры Лениногорскига юл тотачак, анда ул Лениногорск мәдәният сарае сәхнәсендә чыгыш ясаячак.
Лениногорск шәһәре тамашачысына Узеир Гаджибековның шул ук исемендәге опереттасы буенча «Аршин мал алан» музыкаль комедиясе тәкъдим ителәчәк. Мөгаен, нәкъ менә шушы спектакль Арт-резиденция репертуарында иң уңышлысы булып тора. Чөнки биредә Шәрык традицияләре тәкъдим ителә, ә сюжетта мәхәббәт хакына ата-баба каршысына барырга әзер булган амбициоз яшьләр тасвирлана. Бу спектакльне Казанлылар да күрә алачак, ул Пушкин исемендәге мәдәни үзәктә 7 декабрьдә куелачак.