Татар филармониясендә Удмуртия Республикасының «ИТАЛМАС» җыр һәм бию дәүләт ансамбле чыгыш ясаячак
8 декабрь 18:30 сәгатьтә Татар филармониясендә Удмуртия Республикасының «ИТАЛМАС» дәүләт академия җыр һәм бию ансамбле «Бәйрәмле Удмуртия» яңа концерт программасы белән чыгыш ясаячак. Сәнгать җитәкчесе - Владимир Фирстов. Программада: борынгы халык йолалары, заманча удмурт җырлары, шулай ук дөнья халыклары җырлары һәм биюләре.
Ансамбль коллективы 70 артисттан тора: хор төркеме 30 кеше, балет төркеме 25 кеше, оркестр төркеме 15 кеше.
«ИТАЛМАС» ансамбле каршында Россиянең атказанган артисткасы, Удмуртиянең халык артисты Л.В. Мамонтова җитәкчелегендә балалар халык биюе мәктәп-студиясе оештырылган. Студиядә 100дән артык бала бию белән шөгыльләнә. 1962 елдан 2015 елга кадәр ансамбльнең сәнгать җитәкчесе А.В.Мамонтов булган (2015 елдан 2019 елга кадәр - мактаулы сәнгать җитәкчесе).
Коллективның репертуары күптөрле. Аның нигезен удмурт фольклоры тәшкил итә. Концерт «Филармониада» XV Халыкара сәнгать фестивале кысаларында узачак. Билетларны «Пушкин картасы» программасы кысаларында алырга мөмкин.