Казан Экспо Халыкара күргәзмәләр үзәгендә Яр Чаллыдан килгән мобилизацияләнгән Татарстанлылар өчен концерт узды

2022 елның 14 ноябре, дүшәмбе

Казан Экспо Халыкара күргәзмәләр үзәгендә Яр Чаллыдан килгән Россия Федерациясе кораллы көчләренә мобилизацияләнгән Татарстанлылар өчен концерт узды.

Ватанны саклаучыларга Яр  Чаллы шәһәре мэры Наил Мәһдиев мөрәҗәгать итте. Үзенең чыгышында ул хәзерге вакытта россиялеләрнең дуслыгы, берләшүе һәм бердәмлеге турында сөйләде.

Республиканың популяр артистлары һәм иҗат коллективлары мобилизацияләнүчеләрдә хәрби рухны күтәрергә тырыштылар. Татарстан Мәдәният министрлыгы егетләребезнең сугышчан рухын күтәрү өчен мондый концерт программаларын даими рәвештә оештыра.