Татарстанның 10 музеена ел ахырына кадәр 18 яшькәчә балалар өчен керү түләүсез булачак

2022 елның 11 ноябре, җомга

Агымдагы елның 15 ноябреннән 31 декабренә кадәр 1 өлкән кеше белән бергә 1 бала (18 яшькә кадәр) Татарстан Республикасы Мәдәният министрлыгы карамагындагы музейларга һәм музей-тыюлыкларга түләүсез керә алачак.

Программа кысаларында бушлай керү түбәндәге музейларга мөмкин булачак:

• «Казан Кремле» дәүләт тарих-архитектура һәм сәнгать музей-тыюлыгы
• Биләр дәүләт тарих-археология һәм табигый музей-тыюлыгы
• Болгар дәүләт тарих-архитектура музей-тыюлыгы
• «Зөя утрау-шәһәрчеге» дәүләт тарих-архитектура һәм сәнгать музей-тыюлыгы       
• Татарстан Республикасы Милли музее
• Менделеевск шәһәренең туган якны өйрәнү музее
• Галия Кайбицкая исемендәге музей
• Татарстан Республикасы Актаныш район туган якны өйрәнү музее
• Габдулла Тукай дәүләт әдәби-мемориаль музей комплексы
• Татарстан Республикасы дәүләт сынлы сәнгать музее