Казан Кремле музеенда «Адыгәй сугышчысының борынгы заманнан алып яңа вакытка кадәр кораллану эволюциясе» күргәзмәсе ачылачак
Казан Кремле музеенда 11 ноябрьдә Адыгея Республикасы Милли музее фондыннан «Адыгәй сугышчысының борынгы заманнан алып яңа вакытка кадәр кораллану эволюциясе» күргәзмәсе ачылачак.
Күргәзмәдә 200дән артык экспонат: адыгәй сугышчысы һәм ат кирәк-яраклары экипировкасы элементлары, безнең эрага кадәр VIII гасырдан XXI гасырга кадәр төрле археологик чорларның һәм тарихи чорларның салкын һәм утлы коралларытәкъдим ителәчәк.
10 ноябрь 18:30 сәгатьтә «Казан Кремле» Музей-тыюлыгы лекториясендә «Адыгәйләрнең традицион киеме» лекциясе узачак. Ул күргәзмәне ачу өчен оештырыла.Лектор Адыгея Республикасы Милли музееның этнография бүлегенең өлкән фәнни хезмәткәре Ирина Сихаджок. Адыгәйләр - Төньяк Кавказ халкы атамасы, алар чиркәсләр буларак билгеле.
Лекция тыңлаучылар традицион адыгәй костюмы һәм адыгәйләрнең мәдәни кыйммәтләре турында беләчәкләр.
Лекциягә керү - бушлай, теркәлү түбәндәге сылтама буенча: https://kazanskiy-kreml.timepad.ru/event/2228124/