Татарстан мәдәнияте учреждениеләре мобилизацияләнгән хәрбиләр өчен 7000 балаклав тектеләр

2022 елның 19 октябре, чәршәмбе

Татарстанда мәдәният учреждениеләре мобилизацияләнгән ир-атлар өчен 7 000 балаклав тектеләр. Казан, Яр Чаллы, Әлмәт, Әтнә, Бөгелмә, Буа, Минзәлә һәм Түбән Кама шәһәрләреннән килгән театрлар, ансамбльләр һәм училищелар читтә кала алмадылар һәм Ватанны саклаучыларга ярдәм итәргә булдылар. 

«Берничә көн эчендә 20 мәдәни учреждения 7 000 балаклав текте. Иртәгә аларны тиешле ноктага җибәрәчәкләр. Тегү цехлары хезмәткәрләре әйберләрне мөмкин кадәр сыйфатлы, нык һәм уңайлы итеп тектеләр», - дип билгеләп үтте Татарстан мәдәният министры Ирада Әюпова.