13-14 октябрьдә Казанда «Җәлил укулары - 2022» Бөтенроссия фәнни-гамәли конференциясе узачак. Россиянең төрле төбәкләреннән килгән галимнәр батырлык, патриотизм, гражданлык позициясе темалары буенча фикер алышачак.
Конференция шагыйрь Рәхим Саттарның тууына 110 ел тулуга һәм Муса Җәлил музеһ-фатирына нигез салуга 40 ел тулуга багышланган. Чараны Татарстан Республикасы Милли музее һәм КФУ Филология һәм мәдәниятара багланышлар институты белән берлектә Муса Җәлил Музей-фатиры оештыра.
Укулар Казанның өч мәйданчыгында узачак.
Конференция программасы
13 октябрь
15.00-16.30 «Дух мой высок...» түгәрәк өстәле: язмыш, поэзия һәм сугыш чоры язучыларының батырлыгы» (Шәриф Камал мемориаль фатиры белән Татар әдәбияты тарихы музее - Островский ур., 15)
14 октябрь
11.00-11.30 Конференциянең тантаналы ачылышы (КФУ КФУ Филология һәм мәдәниятара багланышлар институты - Татарстан ур., 2)
11.30-13.00 Пленар утырыш
14.00-18.00 Секцияләр эше
1 Секция «Сугыш һәм батырлык: тарихи хәтерне актуальләштерү һәм трансляцияләү проблемалары» (Муса Җәлилнең музей-фатиры - Горький ур., 17, 27-28 фатир).
2 Секция «ХХI гасыр әдәби-эстетик фикере призмасы аша фронтовик шагыйрьләрнең әдәби мирасы» (КФУ филология һәм мәдәниятара коммуникацияләр институты - Татарстан ур., 2, 345 аудитория).