Казан шәһәрендә «Скрипка» номинациясе буенча IV Бөтенроссия музыкаль конкурс дәвам итә

2022 елның 28 сентябре, чәршәмбе

26 сентябрьдән 3 октябрьгә кадәр конкурста катнашучылар җитди сайлап алу турларында катнашалар, танылган музыкантларның остаханәләренә йөриләр, Филармония концертлар залының зур сәхнәсендә чыгыш ясау тәҗрибәсе алалар.

Сайлап алу нәтиҗәсендә 20 катнашучыдан 6 лауреат сайлана. Нәкъ менә алар филармония концерт залында 2022 елның 3 октябрендә ТР Дәүләт академия симфоник оркестры белән гала-концертта чыгыш ясаячак.

Быел IV Бөтенроссия музыка бәйгесе аеруча көтелгән, чөнки аның җиңүчеләре иң абруйлы дөнья музыкантлары белән берлектә 2023 елда Мәскәүдә һәм Санкт-Петербургта узачак XVII Халыкара Чайковский конкурсында катнаша алачак.