«Кино вакыты / Театр вакыты» Казан театр училищесы юбилее уңаеннан
Казан театр училищесына нигез салуга йөз ел тулу вакыйгасы - бөтенроссия масштабындагы тарихи чара.
КТУ - Мәскәү һәм Санкт-Петербургтан читтә беренче һөнәри уку йортларының берсе һәм милли театрларга актерлар әзерли башлаган иң беренче белем бирү чыганагы. КТУ тәмамлаучылар Татарстанның барлык театрларында һәм Россиянең күп кенә театрларында хезмәт итәләр, илебезнең театр сәнгате данын һәм горурлыгын күтәрәләр.
Юбилей тантаналары кысаларында беренче проект булып "Кино вакыты / Театр вакыты" исеме астындагы кино күрсәтүләр һәм иҗади очрашулар программасы булды, ул 19 сентябрьдән 23 сентябрьгә кадәр ТР Дәүләт сынлы сәнгать музееның заманча сәнгать галереясендә узды.
Тантаналы ачылыш Татарстанның күптән көтелгән "Пувырга" премьерасы белән ачылды, шулай ук фильм режиссеры Влад Петров һәм иҗади төркем белән очрашу белән төгәлләнде.
Сәламләү сүзе белән Казан театр училищесы директоры Руфинә Таҗетдинова һәм ТР сынлы сәнгате дәүләт музее директоры Розалия Нургалиева чыгыш ясады.
Кино күрсәтү программасына шулай ук Булат Минкин фильмнары, Елена Ермолинаның анимация җыентыгы, "Театр.Акт" камера театры катнашында фильмнар, режиссер Сергей Батаев эшләре кергән.