Бүген Татарстан башкаласында Kazan Digital Week 2022 халыкара форумы ачылды, ул 2022 елның 21-24 сентябрендә "Казан Экспо" мәйданчыгында уза.
Форум ачылышында IT-белгечләр, галимнәр, мәдәният эшлеклеләре, иҗтимагый һәм сәяси эшлеклеләр катнашты, алар арасында Татарстан мәдәният министры Ирада Әюпова һәм Третьяков галереясенең генераль директоры Зельфира Трегулова да бар иде.
Форум программасына 120 чара кертелгән. Мәдәният өлкәсендә цифрлаштыру темасы киң блокны алып тора.