«Сәнгать, фән һәм спорт» хәйрия фондының «Үзенчәлекле караш» программасы җитәкчесе урынбасары Владимир Плехов Казан театрларында булды

2022 елның 19 сентябре, дүшәмбе

«Сәнгать, фән һәм спорт» хәйрия фондының «Үзенчәлекле караш» программасы җитәкчесе урынбасары Владимир Плехов сукырлар һәм начар күрүчеләр өчен Республика махсус китапханәсенең оештыру-методика эшчәнлеге бүлеге мөдире Гөлүсә Закирова озатуында "Махсус караш" программасына ярдәм кысаларындагы проектларны тормышка ашыручы Казан театрларында булды. 

Грант программалары кысаларында китапханә катнашында спектакльләрне тифлокомментарияләү өч театрда уздырыла: Г.Камал исемендәге театрда. Г.Кариев исемендәге яшь тамашачы театрында һәм "Әкият" курчак театры. 19 спектакль адаптацияләнгән, аларны күрсәтү билгеле бер вакыт аралыгында бара.