Казанда «Европа-Азия» XV Халыкара яңа музыка фестивале тәмамланды

2022 елның 12 сентябре, дүшәмбе

Казанда 2022 елның 9 сентябреннән 11 сентябренә кадәр башкалада узган «Европа-Азия» XV Халыкара яңа музыка фестивале тәмамланды. Фестивальнең биш концертында фольклорның аутентик үрнәкләреннән башлап, профессиональ композитор-замандашларның академик әсәрләренә кадәр заманча музыка панорамасы чагылыш тапты. Казан тамашачысы өчен Япония, Вьетнам, АКШ, Кытай, Австралия, Беларусь, Үзбәкстан, Казахстан, Россия регионнарының музыкаль мәдәнияте әсәрләре яңгырады.